په ټوله نړۍ کې د نومبر له۲۵ مې تر دسمبر لسمې پورې پر ښځو د تشدد خلاف په ټولنه کې د پوهاوي ۱۶ ورځنۍ مبارزه لمانځل کیږي،
د ښځو د حقونو ادارې وایي په پاکستان کې زیاتره د غیرت او پت په نوم وژنې د خوښې په واده کولو هم کېږي، چې اکثره کورنۍ داسې ناموسي وژنې بیا پټې وساتي او نه غواړي چې دغه شخړه تر عدالته ورسېږي.
په خیبر پښتونخوا کې لا هم پر ښځو د تشدد خلاف قانون نه دی جوړ شوی، د دغه بل مسوده اسلامي نظریاتي کونسل په دې رد کړه چې ګواکې د اسلامي تعلیماتو سره سمی نه خوري. بلخواصوبايي حکومت وایي په دې اړه لا هم کار روان دی.
