په دې غونډه کې ۲۰۷ وکیلان حاضر وو. د بهرنیو چارو وزیر صلاح الدین رباني ته ۱۴۰ وکیلانو د رد رایې ورکړې، د فواید عامې وزیر محمود بلیغ ته ۱۶۴ او د کار او ټولنیزو چارو وزیرې نسرین اوریاخیل ته ۱۴۴ وکیلانو د رد رایې ورکړې او دا ډول درې واړه وزيران سلب صلاحیت شول.
دا وزیران د انکشافي بوديجې د کم مصرف په خاطر استیضاح او سلب صلاحیت شول. ولسی جرګې ویلي چی ټول ۱۷ وزیران چې انکشافی بوديجې یې کمې مصرف کړي استیضاح کوي.
تر اوسه حکومت د دې درې واړه وزیرانو د سلب صلاحیت په اړه څه نه دي ویلي خو تر دې مخکې د ولسمشر دفترویلي و چې د ملي شورا ټولو پریکړو ته درناوی کوي.