د لاسرسي ځای

تازه خبر

شوکت عزیز: له موسیقۍ پرته ژوند نشم کولی


سندرغاړی شوکت عزیز

د جنوبي وزیرستان د واڼې اوسیدونکی ځوان شوکت عزیز، شعر لیکي، سندرې وايي او له موسیقۍ پرته د ژوندي پاتې کېدو تصور هم نشي کولی.

نوموړی وايي، د ۲۰۰۶ راهیسې د موسیقۍ په میدان کې دی او په لومړیو کې به یې په پټه سندرې ویلې ځکه چې د کورنۍ خلکو ورته اجازه نه ورکوله، خو وروسته چې دده د هنر لمن په غوړېدو شوه نو خبره لاړه ډنډوره شوه او کیسه هر چم مالت ته ورسېده.

سندرغاړي شوکت عزیز سره بنډار
تم شئ

هېڅ میډیايي سرچینه اوس نشته

0:00 0:51:35 0:00
د ډاېرېکټ لېنک

شوکت عزیز چې اوس مهال ۲۷ کلن دی وايي رسمي زدکړې یې نه دي کړې خو په پښتو لیک لوست کولی شي او د ښې شاعرۍ ډېره مطالعه یې کړې ده. نوموړی زیاتوي:

(( ما د پښتو سره مینه وکړه، نو پښتو ډېر څه راته راکړل. شهرت یې راکړ، نوم یې راکړ او مینه وال یې راکړل.))

شوکت عزیز په خپلو سندرو کې د قبایلي سیمو د ښایست ذکر کوي، د پښتنو د کلتور نښې څرګندوي او له پيغامه ډکې سندرې وايي.

شوکت عزیز په هارون باچا هنري ګړۍ کې د مشال راډیو مېلمه دی، دا چې هارون باچا رخصت دی نو خپرونه درته نجیب عامر وړاندې کوي.

  • انځور سایز

    نجیب عامر

    نجيب عامر د افغانستان او پاکستان په اړه رپورټونه جوړوي. هغه ګڼې اوونیزې خپرونې وړاندې کوي چې پکې د مشال راډیويي مجله، د مشال په نوم او د مساپرو ګړۍ هم شاملې دي. 

     

XS
SM
MD
LG