د پاکستاني پوځ ویاند عاصم باجوه بېګا پر خپله ټويټر پاڼه ولیکل چې دا تمرينونه به له نن (شنبې) څخه پیل شي او د اکتوبر تر لسمې نېټې به دوام ولري.
د پاکستان او روس د پوځيانو ترمنځ ګډ پوځي تمرينونه په لومړي ځل تر سره کيږي او دې ته د دوستۍ مشقونو نوم ورکړل شوی دی.
دا له هغه هغه وروسته ده چې د روس او پاکستان ترمنځ په ۲۰۱۴م کال کې د پوځي همکارۍ لپاره یو تړون لاس لیک شوی وو.
د دې تمرينونو لپاره د روس ۷۰ عسکر تېره ورځ پاکستان ته ورسېدل.
د روس او پاکستان ترمنځ ګډ پوځي تمرينونه په داسې وخت کې تر سره کيږي چې د هند او پاکستان ترمنځ یو ځل بیا تاوتریخوالی زیات شوی دی.
