وسله والوطالبانو تېره اونۍ پر ترینکوټ پراخه حمله وکړه او ان د ښار ځینو مرکزي برخو ته ورسېدل.
خو د ارزګان والي محمد نذیر خروټي د دوشنبې په ورځ خلکو ته ډاډ ورکړ چې له روانو پوځي عملیاتو سره به د ټول ولایت امنیتي وضعیت ښه شي.
پر ترینکوټ د وسله والو طالبانو تر حملې وروسته ، د کندهار امنیه قوماندان جنرال عبدالرازق د عملیاتو لپاره ارزګان ته ورغلی. او ویلي دي چې له وسله والو طالبانو د سیمې له پاکولو پرته به کندهار ته ستون نه شي.
رپوټونه وايي چې ترینکوټ ښار لا هم د وسله والو طالبانو له نفوذه په بشپړ ډول نه دی پاک شوی.
