د ((هارون باچا هنري ګړۍ)) خپرونې پاڼې ته ښه راغلاست.
په دې خپرونه کې مو د جنوبي پښتونخوا له ولسي سندرغاړي مشال سره د هغه هنر په اړه خبرې کړې دي. مشال وايي، په کندهار کې زېږېدلی دی او له سندرو ویلو سره سیاسي فعال هم دی.
دی وايي، ټول ژوند یې په کراچۍ کې تېر کړی او هنري هلې ځلې یې زیاتره په کوټې کې کړې دي.
مشال ډېرې اتڼیزې سندرې ویلي دي او وايي، د پښتنو د لهجو یا ګړدودونو له فرق سره سره په اتڼ کې هم فرق دی او انداز یې لږ بدل دی.
له نوموړي سره خبرې او د ده سندرې د غږ (ږغ) په ځای کې اورېدای شئ.
