د کابل امنیه قومانداني وایې چې د نن ورځې په ځانمرګي برید کې ۱۱ کسان وژل شوي او څلور نور ټپیان دي.
د امنیې قومنداني د جرمونو څيړنو مشر فریدون عبیدي د پیښې په سیمه کې خبریالانو ته وویل چې وژل شوي او ټپيان د میدان وردګو ولایت د عدلیې مامورین وو.
دا برید د کابل ښار لودیځې څنډه کې د پنځمې امنیتي حوزې اړوند د باغ داود په سیمه کې نن (چارشنبه) سهار نهه بجې وشوه.
د تیرې جمعې په ورځ بیا د کابل د اتمې حوزې اړوند د قلعچې په سیمه کې نامعلومه وسله والو یو پخوانې قاضي په ډزو وواژه.
په کابل کې د نن ورځې ځانمرګي حملې ذمه واري وسله والو طالبانو منلی او ویلي دي چې د شپږو اعدام شوو ملګرو د بدل اخیستو لپاره یې کړې ده.
د یادونې ده چې شاوخوا دوه اونۍ وړاندې حکومت شپږ تنه وسله وال طالبان اعدام کړل،
نو طالبانو ګواښ کړی وو چې په غبرګون کې به یې حکومتي چارواکي او په ځانګړې توګه د عدلي مامورین په نښه کړي.
