'پاکستان حکومت مو د کورنۍ غړيو راخوشې کولو لپاره ګام نه اخلي'
له جنوبي وزيرستانه د فاټا د پرمختيايي ادارې د تښتول شوو کارکونکو د کورنيو غړي وايي چې حکومت د کارکوونکو د راخلاصولو لپاره مناسب ګامونه نه پورته کوي. پرون د تښتول شوو کارکوونکو د کورنيو غړو په پېښور کې په يوه خبري غونډې کې له حکومته د دوی د خپلوانو د راخلاصولو لپاره د سنجيده هڅو پېلولو غوښتنه وکړه. بلخوا د جنوبي وزيرستان پوليټکل اېجنټ ظفرالسلام وايي چې په دې لړ کې ېې تر ايف سي ار لاندې ګرفتاريانې کړي او امنيتي ځواکونوه په سيمه کې د لټون عمليات هم کوي. په دې اړه نور حال له پېښوره ځلاند يوسفزی راکوي.