چارواکي وايي چې د دې لیدو کتو هدف د کشمیر په لانجمنه سیمه کې د تاوتریخوالي کمول دي په کوم کې چې په دې وروستیو کې یو شمېر ولسي وګړي وژل شوي دي.
دا خبرې اترې له هغه وروسته کيږي چې په تېره (اګست) میاشت کې د دواړو هیوادونو د امنیتي سلاکارانو ملاقات د ایجنډا پر سر د اختلاف له کبله ونه شو.
په پاکستاني پلاوي کې به ۱۶ چارواکي وي او دوی به په هند کې د خبرو اترو په بېلا بېلو پړاونو کې برخه اخلي.
په ایټمي وسلو سمبال پاکستان او هند له ۱۹۴۷م کاله راهيسې درې جګړې کړې دي چې دوې یې د کشمیر پر سر شوې دي.
