د هلمند په نننۍ موټربم چاودنه کې ۷ تنه وژل شوي او ۲۱ نور ټپیان شوي دي.د هلمند مرستیال محمد جان رسولیارپه سیمه کې مشال راډیو ته وویل، چې ټپيان او وژل شوي ټول عام وګړي یا د ملکي ادارو مامورین دي.
په ټپیانو کې د نادعلي ولسوال، د هلمند د والي ویاند عمرځواک، د هلمند د کرنې ریاست سرپرست او یو شمېر نور کسان شامل دي.
برید نن (چارشنبه) د ۱۱ بجو په شاوخوا کې د ولایت مقام ته څیرمه هغه مهال د یوه مازدا موټر په وسیله، چې چاودیدونکي توکي په کې بار وو وشوه، چې د ولایت دننه د تښتونو د مخنیوي په هدف غونډه روانه وه.
تراوسه کومې وسله والې ډلې د دې برید پړه نه ده منلې.