د لاسرسي ځای

پاکستاني چارواکي وايي په دي ملک کې به پر انټرنيټي پاڼه يوټيوب بنديز تر نا څرګندې مودې پورې جاري وساتل شي.

اسوشيېټډ پرېس خبري اژانس د يوه حکومتي چارواکي له خولې، چې نوم يې نه دی اخيستل شوی، دا خبره تائید کړې ده.

یو ورځ وړاندې هم د پاکستان د معلوماتي ټيکنالوژۍ وزيرې انوشا رحمان ويلي وو چې دا بنديز به دوام وکړي.

پاکستان د ويډيو شريکولو ويب سايټ YouTube د ۲۰۱۲م کال د سپتمبر په مياشت کې تر هغې وورسه بند کړ چې دې پاڼې د مسلمانانو د بې ګناهي په نامه يو فيلم پورته کړ.

ددې فيلم پر ضد په ټوله نړۍ کې لاريونونه وشول ځکه چې د دوی په وينا په دې فيلم کې اسلام ته سپکاوی شوی و.

XS
SM
MD
LG