د لاسرسي ځای

تازه خبر

شیراني ښارګوټی د بلوچستان حکومت یوه پرمختللې پروژه


شېراني ښارګوټی له ږوب ښاره نژدې ۷۵ کلومیټره شمال پلو د میرلي خېل سیمه کې تر تعمیر لاندی دی، چې د انجینیېر رزاق په خبره ۲۵ فیصده تعیمیري کار یې بشپړ شوی دی

د بلوچستان منصوبه بندۍ او پرمختیا وزیر ډاکټر حامد خان اڅکزي د ګل پر ورځ دشېراني ښارګوټي پروژې د لیدو پر مهال په خپله وینا کې د سیمې خلکو ته ډاډ ورکړ چې صوبايي حکومت تر خپله وسه هڅې کوي چې د ښارګوټي د جوړېدو چارې ژر تر ژره بشپړې شي.

شیراني ښارګوټی د بلوچستان حکومت یوه پرمختللې پروژه
تم شئ

هېڅ میډیايي سرچینه اوس نشته

0:00 0:03:23 0:00
د ډاېرېکټ لېنک

د شیراني ښارګوټي د نژدې درې اربه پاکستانیو روپیو پروژه ده چې له ۲۰۱۰م کال راهیسې تعمېرېږي. د دغه پروژې ډایرېکټر انجینیېر عبدالرزاق له مشال راډيو سرهپه خبرو کې وویل، چې د شېرني نوی ښارګوټی تر جدید پلان لاندې د ژوب میرلي خېل له لویې لارې سره پر څنګ جوړېږي، چې په ابادېدلو سره به یې د سیمې زرګونه خلکو ته د روزګار نوي ورونه پرانیستل شي.

د شېراني ښارګوټي پروژې مشر انجینیېر عبدالرزاق
د شېراني ښارګوټي پروژې مشر انجینیېر عبدالرزاق

دا ښارګوټی له ږوب ښاره نژدې ۷۵ کلومیټره شمال پلو د میرلي خېل سیمه کې تر تعمیر لاندی دی، چې د انجینیېر رزاق په خبره ۲۵ فیصده تعیمیري کار یې بشپړ شوی دی خو د بجټ نشتوالي له کبله یې د جوړېدو بهیر ځنډنی شوی دی. خو نوموړي هیله وښوده چې د بلوچستان منصوبه بندۍ او پرمختیا وزیر ډاکټر حامد خان اڅکزي د سیمې خلکو ته ډاډ ورکړی چې د دوی حکومت به د شیراني ښارګوټي د بجټ ستونزه هواروي، چې دغه ټولګټه پروژه تر ژره بشپړه شي.

شیراني ښارګوټي د پاکستانۍ پلازمېنې اسلام اباد غوندې په عصري بنیادنو جوړېږي. چې د پروجېکټ ډایرېکټر عبدالرزاق په خبره پراخ پراخ سړکونه یې اېستلي، د برېښنا مزي یې تر ځمکې لاندې تېر کړي، جدیدې سرکاري ودانۍ «روغتونونه، ښوونځي، انتظامي دوترونه» یې جوړ کړي او یا د جوړېدو په حال کې دي.

د اوبو زېرمولو لپاره یې دمګړۍ لویې لویې کوهیان اېستلي دي، او زیاتوي چې له ږوبه روده «سین» به غټې غټې نللیکې غځوي چې ښارګوټي ته اوبه راتېرې کړي.

د دې پوښتنې په ځواب کې شیراني ښارګوټي به په څومره موده کې دننه د استوګنې جوګه شي نو انجینيېر عبدالرزاق وویل، چې په دویم پړاو کې دوی خلکو ته د کورونو جوړولو لپاره پټې ورکوي، او که ورسره ورسره له ږوبه تر میرلي خېل پر غځېدونکي سړک د جوړېدو کار هم چټک شي نو په یو څو کلونو کې دننه به شېراني ښارګوټی اباد شي.

د شیراني ښارګوټي په خواوشا سیمو کې اوسېدونکي خلک تر ډېره په منځني ختیځ کې کارونه کوي، نو د انجینيېر عبدالرزاق په وینا هغوی هم ورته لېواله چې دغه ښارګوټۍ ژرترژره بشپړ شي چې هغوی پکې خپل کورونه اباد کړي.

XS
SM
MD
LG