په بر دیر کې د پاکستان پر امنیتي ځواکونو د وسله والو تر برید وروسته اسلام اباد، کابل ته احتجاج کړی دی.
د پاکستان د بهرنیو چارو وزارت د چارشنبې (یا شورو) پر ورځ په یوه بیان کې وویل، وسله والو د سې شنبې او چارشنبې تر منځ د شپې په بر دیر کې د پاکستان پوځ پر پوستې برید وکړ.
بیان وايي، وسله وال له افغانستانه وراوښتي ول او په ځوابي کارروايۍ کې لږ تر لږه اووه وسله وال ووژل شول او نهه ژوبل شول.
تر دې وروسته، د پاکستان د بهرنیو چارو وزارت په اسلام اباد کې د افغانستان د سفارت شازده فېیر وروغوښت او ورته یې احتجاج وکړ.
بیان زیاتوي، پاکستان افغان ډېپلوماټ ته وویل، پر داسې وخت چې پاکستان په شمالي وزیرستان کې د وسله والو پر ضد عملیات کوي، افغانستان ته په کار دي چې ورسره همکاري وکړي او د وسله والو مخه ونیسي.
افغانستان په دې اړه لا څه نه دي ویلي.
