د خیبر ایجنسۍ په جمرود کې افغانستان ته پر تیل وړونکو ټینکرو وسلوالو ډزې وکړې چې په نتیجه کې یې یو ډرایور ووژل شو.
د جمرود پولیټیکل انتظامېې چارواکي امجد مشال راډیو ته وویل چې دا پېښه نن (پنجشنبې سهار )د خیبر ایجنسۍ پر جمرود درې پر سرک شوې ده.
د یادونې وړ ده چې په خیبر ایجنسۍ کې داسې پېښې په بیا بیا رامنځ ته کېږي چې په کې افغانستان ته پر تېل وړونکو ټانکرو او نورو مال وړونکو ګاډو هم بریدونه کېږي چې د ځاني زیان سره سره ماني زیان هم ورې اوړي.
