د افغانستان پاکستان او ترکیې تر درې اړخیزي غونډي وروسته ولسمشر حامد کرزی د زراعت او ټکنالوژۍد ملي پوهنتون د افتتاح لپاره کندهار ته تللی.
د افغانستان ولسمشر حامد کرزی د کابیني وزیران او د هند د بهرنیو چارو وزیر سلیمان خورشید د شنبې په شپه کندهار ته تللي دي.
د ښاغلي کرزي سره په دغه سفر کې د هند د بهرنیو چارو وزیر سلیمان خورشید او د افغانستان د کابینې یو شمیر وزیران ګډون لري.
د کندهار د والي د دفتر مشر ډاکټر پرویز نجیب مشال راډیو ته وویل چې د ولسمشر د سفر هدف په کندهار کې د زراعتي علومو او ټکنالوژۍ د ملي پوهنتون افتتاح ، او د دغه ولایت له خلکو او قومي مشرانو سره لیدل دي.
د ډاکټرنجیب په وینا ولسمشر به د شنبې پر ورځ تر غرمې مخکي د ډنډ ولسوالي په ترنک فارم سیمه کې د زراعتي علومو د ملي پوهنتون افتتاح وکړي چې د هند هیواد په مالي مرسته جوړ سوي دی.
د ولسمشر دغه سفر ته په کندهار کې د تیري پنجشنبې راهیسې سخت امنیتي تدابیر نیول شوي دي.
