د پاکستان په سېنېټ کې د بشري حقونو د کميټۍ مشر افراسياب خټک نن د سېنېټ په غونډه کې د شمالي وزيرستان په ميرلي کې د ولسي خلکو وژنه غندلې او ويلي دي چې که څه هم پاکستان قبايلي سيمې د افغانستان په ګډون د نورو هيوادونو په اړه د خپلې بهرنۍ تګلارې د پرمخ بیولو په لړ کې د خپلې یوې سټراټجيکې سيمې په توګه کاره وي خو د دې سيمې خلکو ته هېڅ پاملرنه نه کوي.
د مشال راډيو له همکار اسرار عالم مومند سره په یوه ځانګړې کې افراسیبا خټک وویل، چې په پاکستان کې ځینې خلک مکمل ښاریان دي او د پښتنو په ګډون یو شمېر نور بیا د دویمې او درېیمې درجې وګړي ګڼل کېږي.
