نن د جمعې په سهار په افغانستان کې طالب وسله والو په غربي ښار هرات کې د امریکايي قونصلګرۍ سره نږدې برید کړی دی.
پولیس وايي، په دغه حمله کې د افغان امنیتي ځواکونو دوه سرتيري وژل شوي او پنځه برید کونکي هم له مینځه تللي دي.
د امریکا د قونصلګرۍ ویاند ویلي، ټوله حمله محفوظه ده. د هرات والي، نن مشال راډیو ته وویل چې یو ځانمرګي برید کونکي د قونصلګرۍ د ودانۍ نه په شپېته میټره واټن کې په یو موټر کې ځان والوځولو، چې وروسته بیا نورو وسله والو په سیمه کې پر امنیتي ځواکونو ډزې شورو کړې.
د طالبانو ویاند قاري یوسف احمدي ويلي، په یاده پېښه کې یې ډله لاس لري.
افغان پولیس وايي، د امریکا خاص ځواکونه د ودانۍ د خوندي کولو په موخه دننه ورغلي دي.
