پېښور - د خیبر پښتونخوا د مرکز پېښور د څمکنیو په سيمه کې د جمعې د ورځې په ځانمرګې بريد کې د وژل شویو شمېر ۱۵ ته رسېدلی دی.
په بريد کې له ۳۰ زيات کسان ژوبل شوي هم دي.
د پېښي قربانيان خاورو ته سپارل شوی او پوليسو د نامالومه کسانو پر ضد مقدمه درج کړی ده.
بلخوا د خيبر پښتونخوا حکومت د موجوده امنيتي حالاتو په اړه د لوړ پوړو چارواکو غونډه رابللي ده.
د جمعې د ورځې ځان مرګی برید په حسینیه جومات کې شوی وو چې د اهل تشیع جومات دی.
دا چاودنه د جمعې د لمانځه تر خطبې مخکې وشوه.
