یوه نوې څېړنه وايي، داسې نه ښکاري چې د پاکستان په قبایلي سیمو کې دې ډرون بریدونه د اسلامي سختدریځو ډلې له مینځه یوسي.
د نړیوال کړکېچ برسلز مېشتې ډلې پرون(سېشبنه) په خپل یوه رپوټ کې وویل، ډرون بریدونه کېدای شي تر وفاقي انتظام لاندې قبایلي سیمو کې د مذهبي سختدریځو وسله والو ډلو د بریدونو وړتیا او استعداد ګډوډ کړي، خو د هغوی ډلې به دړې وړې نه کړي.
پاکستان کې ډرون بریدونه کیسۍ که حقیقت په نامه رپوټ کې ویل شوي دي، په قبایلو کې د پاکستان قوانین غځېدل او آییني تحفظ د طالبانو یاغیتوب په کمولو کې مرسته کولی شي.
په رپوټ کې څرګنده شوې ده، چې په تیرو نهو کلونو کې چې پر قبایلي سیمو کې د ډرون بریدونه شورو شوي دي، په ټولو قبایلي خلکو یې اغیز کړی دی.
دا رپوټ د هغې نه دوه ورځې وړاندې مخې ته راغلې چې ټاکل شوې ده، د امریکا ولسمشر براک اوباما به د ترهه ګرۍ ضد امریکايي تګلارې په باب مهمه وینا وکړي.
