د شمالي وزیرستان مرکز میرانشاه کې د یوې بمی چاودنې په نتیجه کې لږ تر لږه دوه کسان وژل شوي او یوویشت نور ژوبل شوي.
د پولیټیکل انتظامې د چارواکو په وینا بم په یو موټر سایکل کې ځای پر ځای کړې شوي وو.
د ځایي خلکو په وینا چاودنه د میرانشاه په خوژه خان چوک کې د انتخاباتي امیدوارانو دفترونو ته نژدې شوې ده.
خو دا نه ده معلوم چې ددې چاودنې هدف کوم انتخابي دفتر وو.
تر دا دمه ددې چاودنې پړه چا په غاړه نه ده اخیستی.
