د خیبر په تیرا کې په څلور ورځنۍ جګړه کې یو شمېر سرتېرو او وسله والو ته مرګ ژوبله اوښتې. د پاکستان پوځي چارواکو د ګل په ورځ ويلي دي چې پوځ د دغه لرې غرنۍ وادي د بیرته نیولو هڅه کوي چې طالبانو او د هغوی د ملګرو په کنټرول کې ده.
چارواکو وويل چې پوځ د تېرې جمعې پر ورځ په تیرا کې له هغه وروسته کاروايي شورو کړه چې هلته مخالفې وسلې والې ډلې تر اونیو له یو بل سره په نښتو کې ښکېل ول.
له دغه نښتو وروسته په زرګونه ځايي اوسېدونکي له سیمې کډې کولو ته مجبوره شوي دي.
تیرا د افغانستان د پولی سره نږدې د خیبر ایجنسۍ نیمه خودمختاره قبایلي سیمه ده چې په هیواد کې د طالبانو مهم پټن ځای دی.
د پاکستان پوځ په ورستیو کلونو کې په قبایلي سیمو کې د پاکستاني طالبانو پر ضد کاروایانې کړي دي. خو د تیرا په شان ځینې سیمې یې تر کنټرول بهر دي.
