د مارچ اتمه نیټه د ښځو نړیواله ورځ ده. نن به د تاندې هیلې خپرونه کې واورۍ چې ۲۰۱۲م کال په پاکستان او افغانستان کې په ښځو او نجونو څنګ تیر شو. په دغه کال کې یو شمیر د تشدد پیښې مخې ته راغلې، چې په نړیواله کچه یی غندنه وشوه.
په پروان ولایت کې د یوې ښځې د خلکو پر وړاندې د وژل کیدلو ویډیو ، په خیبر کې د فریدې اپریدۍ او په پیښور کې د غزاله جاوید وژنه او له دې سره سره د ماشومانو د تعلیم لپاره په غږ پورته کونکې ملاله یوسفزۍ د وسلوالو لخوا بریدونه او یو شمیر نورې پیشې شاملې دي.
د پښتنو په ټولنه کې اکثره ښځې د غیرت په نامه وژل شوې دي، او له تیرو څو کالونو راهیسې یي ستونزې تر هر بل وخت زیاتې شوې دي.
د دې پروګرام جوړونکې د مشال همکاره فرخنده وزیر ده