د برصغیر د آزادۍ مبارز، د خدايي خدمتګار سالار خان عبدالغفار خان چې پښتنو ته يي نه یوازې د زغم او عدم تشدد يو نوی سوچ او فکر ورکړی وو ، بلکې د پښتنو ماشومانو د یو ښه سباوون لپاره یې هغوی ته يو شمېر جدیده تعليمي مدرسې هم جوړې کړې وې.
باچا خان د”پښتون“ په نامه يوه ورځپاڼه هم چاپوله، او تر ټولو مهمه خبره یې دا ده چې هغوی پښتنو ته د عدم تشدد او زغم فلسفه ورپېژندلې وه. دا مهال پښتانه ځوانان د باچا خان فلسفې او ژوند ته څرنګه ګوري او د هغوی تعليمات او فلسفه په خپل ژوند کې څنګه کاره وي په دی اړه زموږ همکار اسرار عالم مومند له ځینو پښتنو ځوانانو سره خبری کړې دي.
