ریاض موسا خېل، مشال راډیو
اسلام اباد - د پاکستان د تېلو او قدرتي وسایلو وزیر ډاکتر عاصم حسین وايي، د دې هیواد د توانایۍ د ضروریاتو پوره کولو لپاره به ټولې لارې په کار راولي.
د هند تر سفر وروسته، په واهګې (د پاکستان و هند تر منځ پوله) کې له خبریالانو سره د خبرو پر مهال ده وویل: ((باید د انرژۍ اړتیاوې پوره کولو لپاره زیات انحصار په ایل پي جي [د پیټرولو مایع ګاز] وشي. او حکومت ته په کار دي چې په دې ترځ کې د ولس لپاره اسانتیاوې پیدا کړي.))
عاصم حسین وویل، ((له ایران سره د ګاز په منصوبه کار روان دی ځکه چې لا د ملګرو ملتونو له طرفه پر ایران بندیزونه نه دي لګېدلي.))
د تورکمانستان، افغانستان، پاکستان او هند د ګاز پایپ منصوبې ته TAPI ویل کېږي.
عاصم حسین د دې په اړه وویل: ((له هند سره په دې مورد کې ګټورې خبرې شوې دي.))
د ګاز د ضرورت او ارزښته په اړه د اقتصادي و مالي چارو کار پوه معراج الحق وايي، ((د ایران په نسبت له تورکمانستانه پاکستان ته ګاز ارزانه تمامېږي. او دا ځکه چې د ایران د ګیس پایپ لاین څه کم ۲۸۰۰ کیلومیټره اوږد والی لري، او د تورکمانستان هغه ۱۶۰۰ کیلومیټره اوږد دی. بله دا چې د ایران پرتله له تورکمانستانه به پاکستان ته درې چنده ګاز زیات ورکول کېږي.))
دی زیاتوي، د دې په برکت به افغانستان، پاکستان او هند هم یو بل ته نېږدې شي او دا به د منځنۍ اسیا له هیوادونو سره تجارت کې هم مهم کردار تر سره کړي.
اسلام اباد - د پاکستان د تېلو او قدرتي وسایلو وزیر ډاکتر عاصم حسین وايي، د دې هیواد د توانایۍ د ضروریاتو پوره کولو لپاره به ټولې لارې په کار راولي.
د هند تر سفر وروسته، په واهګې (د پاکستان و هند تر منځ پوله) کې له خبریالانو سره د خبرو پر مهال ده وویل: ((باید د انرژۍ اړتیاوې پوره کولو لپاره زیات انحصار په ایل پي جي [د پیټرولو مایع ګاز] وشي. او حکومت ته په کار دي چې په دې ترځ کې د ولس لپاره اسانتیاوې پیدا کړي.))
عاصم حسین وویل، ((له ایران سره د ګاز په منصوبه کار روان دی ځکه چې لا د ملګرو ملتونو له طرفه پر ایران بندیزونه نه دي لګېدلي.))
د تورکمانستان، افغانستان، پاکستان او هند د ګاز پایپ منصوبې ته TAPI ویل کېږي.
عاصم حسین د دې په اړه وویل: ((له هند سره په دې مورد کې ګټورې خبرې شوې دي.))
د ګاز د ضرورت او ارزښته په اړه د اقتصادي و مالي چارو کار پوه معراج الحق وايي، ((د ایران په نسبت له تورکمانستانه پاکستان ته ګاز ارزانه تمامېږي. او دا ځکه چې د ایران د ګیس پایپ لاین څه کم ۲۸۰۰ کیلومیټره اوږد والی لري، او د تورکمانستان هغه ۱۶۰۰ کیلومیټره اوږد دی. بله دا چې د ایران پرتله له تورکمانستانه به پاکستان ته درې چنده ګاز زیات ورکول کېږي.))
دی زیاتوي، د دې په برکت به افغانستان، پاکستان او هند هم یو بل ته نېږدې شي او دا به د منځنۍ اسیا له هیوادونو سره تجارت کې هم مهم کردار تر سره کړي.
