د لاسرسي ځای

تازه خبر

پاکستان کې د کورونا وایرس ناروغانو شمېر ۴،۷۸۸ ته لوړ شو


ملتان کې رضاکاران په خلکو کې ماسکونه وېشي

په پاکستان کې د کورونا وایرس د مثبتو پېښو شمېر ۴،۷۸۸ ته رسېدلی دی.

د اپرېل تر ۱۱مې په پاکستان کې له حکومتي شمېرو سره سم، د نوي کورونا وایرس ناروغۍ کووېډ – ۱۹ ټول ۷۱ کسان وژلي دي.

له ټولو ناروغانو څخه یې ۷۶۲ جوړ شوي.

په وایرس وهلو کې تر ټولو زیات کسان د پنجاب، بیا د سیند او تر هغې وروسته د خیبر پښتونخوا دي.

د خیبر پښتونخوا د روغتیا ادارې د اپرېل ۱۰مې شپې مهال په یوه بیان کې ویلي چې د جمعې پر ورځ په صوبه کې په ۳۹ نورو کسانو کې د وایرس تصدیق شوی چې ورسره هلته د ناروغانو شمېر ۶۵۶ ته رسېدلی دی.

په پاکستان کې د کورونا وایرس پېښو صورتحال، سرچینه: حکومتي ووبپاڼه

سیمېمثبتې پېښېمړه شويجوړ شوي
خیبر پښتونخوا۶۵۶۲۵۱۳۱
بلوچستان۲۲۰۱۹۵
پنجاب۲،۳۳۶۱۹۳۹
سیند۱،۲۱۴۲۲۳۵۸
اسلام اباد۱۱۳۱۱۳
د پاکستان تر واک لاندې کشمیر۳۴۰۱
ګلګت بلتستان۲۱۵۳۱۲۵

د بنو انتظامي مشر محمد زبیر نیازي د اپرېل پر ۱۰مه رسنیو ته په استولي بیان کې ویلي چې په هغه ښار کې په پېنځو نورو کسانو کې وایرس موندل شوی چې ورسره هلته د ناروغانو شمېر ۱۲ ته رسېدلی.

په عین وخت کې په کواټ کې د وایرس ځپلیو شمېر ۳۸ ته لوړ شوی.

د ضلعې د روغتیا ادارې د اپرېل پر ۱۱مه په بیان کې ویلي چې په چمبۍ کلي کې د کورونا وایرس یو مشکوک ناروغ په روغتون کې مړ شوی چې بیا مرستندویه کارکوونکو یې مړی خاورو ته سپارلی

چارواکو د مړي خپلوانو ته په جنازه کې د ګډون اجازه نه ده ورکړې.

د پاکستان وفاقي او صوبايي حکومتونو په ټولو سیمو کې ټولبند اعلان کړی او له اړتیا پرته خلکو ته له یوه ښاره تر بل هغه د تګ اجازه نه ورکوي.

حکومت همداراز، ولس ته ویلي چې په کورونو کې دې پاتې شي او یوازې د ورځني استعمال شیانو اخیستو لپاره دې دوکانونو یا بازارونو ته ځي.

د فېسبوک تبصرې

XS
SM
MD
LG