د لاسرسي ځای

تازه خبر

امریکا دې افغانستان یوازې نه پرېږدي: قریشي


د پاکستان بهرنیو چارو وزیر شاه محمود قریشي
د پاکستان بهرنیو چارو وزیر شاه محمود قریشي

د پاکستان بهرنیو چارو وزیر ویلي، امریکا باید له افغانستانه د سرتېرو تر اېستلو وروسته هم هغه هېواد ته ژمنه پاتې شي.

دا خبره شاه محمود قریشي بېګا په واشنګټن کې د ستراتیژیکو او نړیوالو مطالعاتو په مرکز کې یوې غونډې ته په وینا کې کړې.

ټاکل شوې چې نوموړی د جنورۍ پر ۱۷مه له خپل امریکايي سیال مایک پامپېو سره وویني.

قریشي خبرداری ورکړ چې واشنګټن باید افغانستان هغسې له پامه ونه غورځوي لکه په ۱۹۸۹ز کال کې یې چې د پخواني شوروي اتحاد پوځیانو تر وتلو وروسته غورځولی وو.

ده وویل،"د ۱۹۸۰ز لسیزې کارونه مه تکراروئ."

د قریشي په خبره، که له طالبانو سره "موافقه بریالۍ هم شي، چیلېنجونه به موجود وي."

د پاکستان بهرنیو چارو وزیر زیاته کړه چې همدا لامل دی چې امریکا باید په افغانستان کې د جګړې لپاره نه بلکې د هغه هېواد د بیاودانۍ لپاره حضور ولري.

قریشي دا څرګندونې پر داسې وخت کړې دي چې امریکايي ولسمشر ډانلډ ټرمپ له افغانستانه د خپلو شاوخوا ۱۳،۰۰۰ سرتېرو د ایستلو هیله ښوولې.

د فېسبوک تبصرې

XS
SM
MD
LG