په افغانستان کې د ولسمشرۍ دویم پړاو تر ټاکنو وروسته د پیدا شوي بحران هواري په موخه، څو ورځې مخکې، د امریکا د بهرنیو چارو وزیر جان کیري د دواړو نوماندانو تر منځ د یوې موافقې یا هوکړې منځګړتوب وکړ. د موافقې هغه متن چې رسنیو ته رسېدلی دی پکې ویل شوي، نوی ټاکل شوی ولسمشر به د حکومتي اجراییوي یا انتظامي مشر څوکۍ جوړوي او ورسره به د اپوزیشن (اپوزیسیون یا د حکومت مخالفو ډلو) مشر ټاکي. د جمهوریت په دې خپرونه کې د نوماندانو پر یادې هوکړې له پوهانو سره خبرې شوې دي چې د غږ (ږغ) په ځای کې یې اورېدای شئ.