په کابل کې چاودنې لږ تر لږه لس کسان وژلي دي
ستاسې سېسټم د HTML5 په چلولو کې ستونزه لري.
کابل: د افغانستان په پلازمېنه کابل کې نن سهار چاودنې لږ تر لږه لس تنه وژلي او شاوخوا ۴۰۰ یې تپي کړي دي.
د عامې روغتیا د وزارت ویاند وحیدالله مایار مشال راډيو ته وویل چې روغتيايي مرکزونو ته د اوو کسانو مړي وروړل شوي دي.
د وحیدالله مایار په وینا ، ټپي شوي زیاتره عام وګړي دي چې۴۸ ښځې او ۲۱ ماشومان هم پکې شامل دي.
د کابل امنیه قومندان عبدالرحمان رحماني بیا مشال راډیو ته وویل چې په دې پیښه کې ۸ تنه وژل شوي او ۱۲۷تنه ټپیان دي.
دا پیښه نن سهار وختي د کابل په اتمه امنیتي حاوزه کې د شاه شهید په سیمه کې شوې ده.
د کابل د امنیه قومندان ویلي دي چې یو لارۍ موټر چې له چاودیدونکو موادو بار و، د ملي اردو د ځواکونو یوې قرارګاه ته يې نژدې ځان چوولی دی.
ددې پیښې مسولیت تر اوسه کومې ډلې په غاړه نه دی اخیستی.