د امریکا د بهرنیو چارو وزیر انتوني بلینکېن په افغانستان کې د ده په وینا یوه سیاسي جوړجاړي او دایمي اوربند ته د رسېدو لپاره له زلمي خلیلزاد سره خبرې وکړې.
بلینکېن پر خپل ټویټر د دې لیدنې کتنې په اړه چې د فېبروري پر څلورمه په واشنګتن کې وشوه، لیکلي دي چې د ترهګرو له بریدونو د امریکا خوندیتوب، په افغانستان کې یو عادلانه، دوامداره سیاسي جوړجاړي ته د رسیدو او هلته د دایمي او پراخ اوربند په اړه یې له خلیلزاد سره خبرې کړي دي.
Great meeting with @US4AfghanPeace Ambassador Khalilzad to discuss the way forward in Afghanistan: continuing to protect the U.S. against the threat of terrorism, achieving a just and durable political settlement there, and cementing a permanent and comprehensive ceasefire. pic.twitter.com/qJ3H4erZ4v
— Secretary Antony Blinken (@SecBlinken) February 4, 2021
انتوني بلینکېن تیره اونۍ په رسمي ډول د امریکا بهرنیو چارو د وزیر په توګه وټاکل شو او له زلمي خلیلزاد څخه یې وغوښتل چې د افغانستان سولې لپاره د امریکا ځانګړي استازي په توګه خپلې دندې ته ادامه ورکړي.
بل لور ته خلیلزاد په خپله ټویټر پاڼه لیکلي دي چې دوحې او سیمې ته په دې تمه ځي چې دواړه افغان لورې د سولې په برخه کې د پام وړ پرمختګ وکړي.
4/4 Tom joins a strong #SRAR team that has achieved much and remains focused on the end state. His experience across the region will help us as we work to achieve a lasting peace in #Afghanistan.
— U.S. Special Representative Zalmay Khalilzad (@US4AfghanPeace) February 4, 2021