د پاکستان د تعليم وفاقي وزير وايي، د تعليمي ادارو بندولو په اړه څه قسمه د جلدبازۍ پريکړه به تعليم ته سخت تاوان ورسوي.
شفقت محمود د سېپټېمبر پر ۱۹مه په خپله ټويټر پاڼه ليکلي، په دې لړ کې څه قسمه پرېکړه بايد د صحت وزارت د سپارښتنو په رڼا کې وشي.
90% of our govt and low fee paying private schools do not have online teaching facilities. When these institutions close down most students get no education at all. Learning loss is immense and can take years to recover. While health is a priority, this factor must b kept in mind https://t.co/nV1kP53YgC
— Shafqat Mahmood (@Shafqat_Mahmood) September 19, 2020
نوموړی وايي، له شپږو مياشتو راهيسې تعليمې ادارې بندې وې او د پرانېستلو پريکړه يې په پوره احتياط سره شوې ده.
د دهغه په خبره ۹۰ فيصده سرکاري او د کم فيسونو شخصي تعليمي ادارې د انلاين تعليم ورکولو سهولت نه لري او دارنګ چې دا تعليمي ادارې بندې کړل شي نو زياتره زده کوونکي به له زده کړو بې برخې شي.
دا په داسې حال کې ده چې په پاکستان کې د کورونا وايرس کمانډ اېنډ کنټرول مرکز د سېپټېمبر پر ۱۸مه ويلي ول چې د کورونا مخنیوي لپاره د احتیاطي تدابیرو نه عملي کولو له کبله يې په تېرو څلورو ورځو کې په مجموعي توګه ۳۵ تعليمي ادارې تړلې دي.
په ځينو تعليمي ادارو کې د استادانو او زده کونکو په کورونا د اخته کېدو راپورونه هم مخې ته راغلي دي.