امریکایي ولسمشر ډونلډ ټرمپ د بهرنیو چارو د وزارت ویانده هېدرناورت په ملګرو ملتونو کې د سفېرې په توګه ګمارلې ده.
امریکایي رسنیو د ډېسېمبر پر شپږمه خبر خپور کړی چې په ملګرو ملتونو کې د امریکا اوسنۍ استازې نيکي هیلي د روان کال تر پایه خپله دنده پرېږدي او ځای به یې ناورت ونیسي.
ناورټ له اې بي سي او فاکس نیوز سره د خبریالې په توګه هم کار کړی دی.
فاکس نیوز وایي ټرمپ به د ډېسېمبر پر اوومه په دې اړه ټویټ وکړي.
بلومبرګ او رویټرز هم د ناورټ د ټاکل کیدو خبر ورکړی دی خو سپڼې ماڼۍ او د بهرنیو چارو وزارت لا هم په دې اړه څه نه دي ویلي.
ډونلډ ټرمپ د نومبر په لومړۍ نېټه ویلي ول چې د نیکي هیلي پرځای د هېدر ناورټ په ګومارنه غور کوي.
ستاسې سېسټم د HTML5 په چلولو کې ستونزه لري.
د مشال راډيو اېپ د ښکته کولو طريقه