له حزب اسلامي سره روغه پر افغان امن بهیر څه اغېز ولري؟

د ګلبدین حکمتیار په مشرۍ د اسلامي حزب او د افغانستان د سولې عالي شورا تر منځ د سولې تړون لاسلیک شو. دواړو لورو منلې ده چې د ګلبدین حکمتیار او د هغه د ډلې د یو شمېر نورو کسانو نومونه به د ملګرو ملتونو له تور لېسته لیرې کېږي، بندیان به خوشې کېږي او د اسلامي حزب غړي به له جګړو لاس اخلي. په پيښور کې د سيمه ييزو چارو کارپو رحيم الله يوسفزۍ دا يو ښه ګام بولي خو نوموړی وايي حزب اسلامي په نظامي توګه دومره پياوړې نه ده او نه هم په افغان طالبان دومره اغيز لري چې له افغان دولت سره يې د سولې خبرو ته کينوي. حزب اسلامي څنګه په وجود کې راغله او په دغه سيمه کې يې څه رول پاتې شوی په دې اړه رحيم الله يوسفزي د مشال راډيو خبریال اسرار عالم مومند ته وويل.