ایا پاکستان کې به پر ټاکلي وخت انتخابات وشي؟
په پاکستان کې د فبرورۍ پر اتمه په داسې حال کې عام انتخابات اعلان شوي دي چې پخوانی وزیراعظم عمران خان په زندان کې دی، ګوند یې په عدالتونو کې په یوشمېر مقدمو کې مصروف دی او نور ګوندونه هم پر ټاکلي وخت د انتخاباتو کېدو یا نه کېدو په اړه شکونه لري. په همدې حال کې امنیتي وضع هم د ډاډ وړ نه بلل کېږي. په مشال تر رڼا لاندې خپرونه کې مو پر همدې موضوع بحث کړی دی.