د عدليې او انتظاميې په شتون کې ځايي جرګې د پرېکړو څومره واک لري؟
په داسې حال کې چې د پاکستان پارلېمان په ايين کې د ۲۵م بدلون په منظورولو سره پخوانۍ قبایلي سیمې د خیبر پښتونخوا برخه ګرځولي او هلته یې د هېواد اساسي قانون غځولی دی، په شمالي وزیرستان کې د اتمانزيو جرګې د قبايلي دود له مخې پر ځينو کسانو جرمانې لګولي او د ځينو د کورونو ړنګولو پرېکړه یې کړې ده. دا چې د پاکستان د اساسي قانون، عدلیې او انتظاميې په موجودګۍ کې یوه ځايي جرګه دا ډول پرېکړې کولی شي؟ په دې اړه راپور ته غوږ شئ.