'د شمالي وزیرستان ولس مو ډېر بې عزته کړ'
د شمالي وزیرستان ټولو مشرانو ویلي چې ټول کډوال خپلو کلیو ته نه وي ستانه شوي او سیمې یې نه وي ابادې شوې، تر هغو د قبایلي سیمو اصلاحاتو په اړه هېڅ خبرې نه کوي. دې مشرانو تېره ورځ په میرلي کې د خیبر پښتونخوا ګورنر سردار مهتاب خان عباسي او د قبایلي سیمو اصلاحاتو لپاره د حکومتي کمېټۍ له غړو سره یوه جرګه وکړه. د اصلاحاتو لپاره حکومتي کمېټۍ مشر سرتاج عزیز د شمالي وزیرستان له ولس سره ژمنه وکړه چې سږ کال به ټول کډوال خپلو کلیو کورونو ته ستانه کړي. هلته د شمالي وزیرستان سیاسي اتحاد د اېف سي ار ختمولو او قبایلي سیمو په پښتونخوا د ورګډولو غوښتنه وکړه. د زیارت په ورځ د ترسره شې جرګې حال د عمردراز وزیر په ويډیو راپور کې