د خوست قومي مشرانو او دیني عالمانو له نړیوالې ټولنې د افغان امنیتي ځواکونو د ملاتړ او مرستو غوښتنه کړې.
د پنجشنبې پر ورځ د افغان ملي امنیتي ځواکونو ملاتړ په اړه یوې غونډې ته د وینا پر مهال یوه دیني عالم محمد عارف په وروستیو کې د کندوز ښار جګړې مثال ورکړ او ویې ویل چې امنیتي ځواکونه پیاوړي نه وي نو حالات زښت خرابېدای شي.
مشرانو او دیني عالمانو په خپلو وینا ګانو کې پر ولس هم غږ وکړ چې د پوځ او پولیسو مرسته دې وکړي.
