د منډېلا تګلاره باید پرمخ یوسو. اوباما
د امریکا ولسمشر براک اوباما په خپله ووینا کې د نېلسن منډېلا په ستاینه کې وویل، چې هغه د ۲۰مې پېړۍ ستر ازادیپالونکی وو، او پر نړیوالو یې ږغ(غږ) وکړ چې د نابرابرۍ، غریبۍ، او توپیرتوب پر ضد دې د هغه لاره پر مخ یوسي. په جوهانزبرګ کې د نېلسن منډېلا په یادغونډه کې اوباما وویل، چې د توپیرپالنې ضد مرحوم مشر دا پند راته ښودلی وو چې ملي جوړجاړی، د تېري او ظلم ماضي له پامه غورځولو مساله نه، بلکې دا یې په ګډه د وهلو وسیله ده.