د مشال تر رڼا لاندې

د فبرورۍ پر ۱۸مه نېټه په پېښور کې د عوامي نېشنل ګوند تر سیورې لاندې شوې غونډه کې ګڼو سياسي ګوندونو د پخوانی فاټا په خيبرپښتونخوا کې د ضم کولو د بهير پر ورووالي نيوکې وکړې. په غونډه کې د ضم کېدو بهير تېزولو په لړ کې ۳۱ نکتې په ګوته کړل شوې. د قبايلي ضلعو په خيبريښتونخوا کې د ورګډولو بهير د خلکو ژوند له کومو ستونزو سره مخامخ کړی دی؟ دا او نورې پوښتنې د مشال تر رڼا لاندې بحث کې په خيبرپښتونخوا اسمبلۍ کې له مومندو د عوامي نېشنل ګوند استازي نثار مومند، په قامي اسمبلۍ کې له خيبره د تحريک انصاف غړی اقبال اپريدي، له شمالي وزيرستان سره تړاو لرونکی خبريال رسول داوړ او د مشال راډیو خبريال غلام غوث سره څېړل شوې دي

د ماليې نړيوال صندوق ای اېم اېف ډله د پاکستان په سفر ده او په تېرو دوو ورځو کې يې ددې هېواد له مشرانو سره ملاقاتونه کړي دي. له ای اېم اېف څخه د پورونو اخیستو سربېره هم ددې هېواد اوسېدونکي له سختې ګرانۍ سره مخامخ دي. د پاکستان معيشيت لا هم تر فشار لاندې دی؟ دا او نورې پوښتنې د مشال تر رڼا لاندې بحث کې د اقتصادي چارو خبريال فداحسين او د خيبرپښتونخوا چېمبر اف کامرس پخواني مشر زاهد شنواري سره څېړل شوي دي.