د مشال تر رڼا لاندي بحث کې د پاکستان موجوده سياسي حالاتو موضوع څيړلې ده. اپوزشن ګوندونو د پاکستان ډيموکريټک مومنټ په نامه د حکومت ضد اتحاد جوړ کړی دی. د سېپټمبر پر ۲۰مه د اپوزېشن ګڼ ګونديزې غونډه کې له پريکړې سره سم اپوزېشن د احتجاجي جلسو اعلانونه هم کړي دي.د اکتوبر پر ۱۶مه په ګوجرانواله کې د اپوزېشن جماعتونو لومړي جلسه کېږي. په عين حال کې د مسلم ليګ (ن) رهبر نواز شريف په ګډون له ۴۰ زياتو غړو د غدارۍ مقدمه درج شوې ده. خو حکومت وايي، د غدارۍ په مقدمه کې کښلې نه ده.دا چې اپوزېشن ګوندونو احتجاجي تحريک به له نورو وختونو مختلف وي او که څنګه او يا دا به څه نتيجې ورکړي، دا موضوع په دې پروګرام کې څيړو.د پروګرام کوربه ګل اياز دی.
د مشال تر رڼا لاندې
چار شنبه ۷ اکتوبر ۲۰۲۰
د افغانستان د روغې جوړې عالي شورا مشر ډاکټر عبدالله عبدالله له خپل لوړ پوړې پلاوي سره د پاکستان درې ورځنی سفر وکړ. هغوی د کوربه هېواد له مشرانو سره ليده کاته کړي او د دواړو هېوادونو پر دوه اړخېزه اړيکو ورسره غږېدلي دي خو افغان سولې پروسه د خبرو اترو مهم ټکۍ دی. دا په داسې حال کې ده چې د افغان حکومت مرکچي پلاوی او طالبان له سېپټېمبر له ۱۲مې نېټې راهيسې په قطر کې په مذاکراتو بوخت دي چې پکې ځينې خنډونه رامنځ ته شوي دي. پوښتنه دا ده چې د ډاکټر عبدالله عبدالله د اسلام اباد سفر به په سولې عمل کې د شته خنډونو په ليرې کولو کې مرسته وکړای شي او که څنګه؟ د مشال تر رڼا لاندې بجث کې دا او نورې پوښتنې له کارپوهانو سره څېړل شوې دي.
