په پاکستان کې په ۲۰۱۹م کال کې د اوړو او بورې د راغلي بحران په اړه د اپريل پر څلورمه نېټه ددې هېواد د پلټنو فېدرالي ادارې اېف ای اې تحقيقاتي رپورټ د هېواد سياست بيا ګرم کړ.
په رپورټ کې د واکمن تحريک انصاف مهم مشرجهانګير ترين، وفاقي وزير خسرو بختیار ورور او د مسلم ليګ قايداعظم يو مشر مونس الهي د اوړو او بورې له بحران په مالي ګټو اخيستو تورن شوي دي.
تردې وړاندې د مسلم ليګ نواز او پيپلزپارټۍ په حکومتونو کې هم ورته بحرانونه راغلي ول چې تور يې د ددې پارټیانوپه هغو سياستوالانو ولګېدی چې د اوړو او بورې کاروبارونه کوي.
د مشال راډیو په دې بحث کې هم ددې جاج اخيستل شوی چې د پاکستان سياست او د بورې او اوړو کاروبار له يو بل سره څنګه تعلق دی؟
د بحث کوروبه عبدالحی کاکړ دی.
