دواړه غاړې وايي چې ډېر ژر به يوې موافقې ته ورسېږي.
بل لور ته د افغان حکومت مذاکراتي پلاوی هم له طالبانو سره خبرو اترو ته تیاری نيسي.
د تړون په صورت کې د افغانستان د حالاتو په اړه يو شمېر پوښتنې په ذهنونو کې ګرځي؟
د مشال تر رڼا لاندې بحث کې کابل مېشت خبریال او څېړونکي بلال سروري او اسلام اباد کې د مشال راډیو خبريال طاهر خان سره هم دغه پوښتنې څېړل شوې دي.
د پاکستان د بهرنیو چارو وزیر شاه محمود قریشي د اګست پر ۲۰مه وویل، د هند تر واک لاندې د کشمیر موضوع د انصاف نړیوال عدالت ته وړي.
نوي دلي د پاکستان د بهرنیو چارو وزیر دې اقدام په اړه څه نه دي ویلي خو د کشمیر مسله کورنۍ موضوع بولي او وايي، پکې هېچا ته د مداخلي اجازه نه ورکوي.
د اسلام اباد او نوي دلي تعلقات د هند تر واک لاندې د کشمیر کورواکۍ ختمولو تر اقدام وروسته ترینګلي شوي دي.
دواړه هېوادونه کشمیر خپل بولي خو د ځینو برخو واک یې لري.
د اګست پر پېنځمه هندي حکومت او پارلېمان د هېواد د ایین ۳۷۰ او ۳۵ اې مادې لغوه کړې او تر خپل واک لاندې د کشمیر ځانګړی حیثیت او کورواکي یې ختمه کړه.
د کشمیر مسله څه ده؟ تاریخي تناظر یې څه دی او ایا اسلام اباد د بشري حقونو سرغړونې قضیې په جوړولو د انصاف نړیوال عدالت ته تللای شي؟
دا پوښتنې "د مشال تر رڼا لاندې" د خپرونې نننۍ موضوع ده چې پکې راسره د پېښور پوهنتون د سیاسیاتو څانګې استاد ډاکتر عبدالروف او د همدې پوهنتون د نړیوالو اړیکو د څانګې پخوانی مشر او استاد ډاکتر اعجاز خان خټک او د هندۍ ټایمز اف انډیا ورځپاڼې مدیره ارتي ټیکو سینګ مېلمانه دي.
خپرونه د غږ په ځای کې اورېدای شئ.
