د ۱۶ چوکيو لپاره شاوخوا ۴۰۰ کانديدان سيالي سره کوي.
خو په شمالي او جنوبي وزيرستان کې حکومت دفع ۱۴۴ مه لګولې وه چې د سېشنبې پر ورځ يې اوچته کړه.
خو په عين وخت کې ددې سيمو اميدورانو شکايتونه کړي چې ځینو ته د کمپاين اجازه ورکول کېږي او د ځېنو په مخ کې خنډونه اچول کېږي.
د مشال تر رڼا لاندې بحث کې د قبايلي ضلعو امنيت او انتخابي هلو ځلو په اړه خبرې کوو.
خبريالان ولي خان شنواری، اقبال حسيناقبال او فاروق مسود مو مېلمانه دي.
فردوس عاشق اعوان داخبره د وزيراعظم په مشرۍ د کابينې تر غونډې وروسته د سېشنبې پر ورځ په اسلام اباد کې خبریالانو ته وکړه.
دا وخت د قامي اسمبلۍ څلور غړي نيول شوي دي چې پکې د پيپلز پارټۍ مرستیال مشر اصف علي زرداري، د مسلم ليګ نواز ډلې خواجه سعد رفيق، د جنوبي او شمالي وزيرستان استازي محسن داوړ او علي وزير شامل دي.
د قامي اسمبلۍ سپیکر اصف علي زرداري او سعد رفيق د اپوزيشن په غوښتنه د قامي اسمبلۍ غونډې ته وروبلل خو محسن داوړ او علي وزير يې د درخواست سربېره حاضر نکړل.
د دې ترڅنګ د دوشنبې په شپه د اصف علي زرداري له جيو نيوز سره ځانګړې مرکه د خپرېدو پر مهال بنده کړل شوه، دغسې د رسنيو ځايي او نړيوال سازمانونه وايي چې پر دوی د حکومت مخالفه غږ نه خپرولو فشارونه دي.
دې ټولو خبرو ته په کتو سره پوښتنه راپورته کېږي چې د تحريک انصاف په واک کې تر راتلو وروسته په پاکستان کې جمهوريت او جمهوري قدرونه وده موندلې او که نه صورتحال برعکس دی؟
دا او نورې پوښتنې د مشال تر رڼا لاندې بحث کې د تحريک انصاف د قامي اسمبلۍ غړي شاهد احمد، د پښتونخوا ملي عوامي ګوند سنېټر عثمان کاکړ او سياسي چارو پوه قريش خټک سره څېړل شوې دي.
