د پاکستان او افغانستان ترمنځ تورخم او نورې لارې زياتره وخت و تړل شي او بيا پرانېستل شي.
سوداګر وايي چې هم له دې کبله د پاکستان او افغانستان د سوداګرۍ کچه راکمه شوې ده.
ددې ترڅنګ دواړو غاړو ته مېشت پښتانه شکايت کوي چې د لارو تړل کېدو د دوی خپلمنځی تګ راتګ له خنډ سره مخامخ کړی دی.
خو د جنورۍ پر ۲۸ مه د پاکستان وزيراعظم عمران خان پر ټويټر پاڼه وليکل، امر يې کړی چې د پاکستان او افغانستان پر سرحدي کرښه د تورخم دروازه باید ۲۴ ګنټې پرانيستې وي.
پاکستاني وزیر اعظم دا ګام "د دواړو وروڼو هېوادونو د دوه اړخیزو سوداګرۍ په غوړېدو او د خلکو ترمنځ د ورورلۍ اړیکو په پیاوړيکېدو کې مهم بللی دی."
خو پر دې اعلان عمل شوی او دا سوداګرۍ او ولسي تړون ته څومره ګټه رسولی شي؟
دا او نورې پوښتنې د مشال تر رڼا لاندې بحث کې د خېبرپښتونخوا د سوداګرو اتحاديې مشر زاهد شنواري او په جلال اباد کې مدني فعال ډاکټر اسدالله خالېز سره څېړل شوې دي.
