جمعه خان صوفي د اجمل خټک مرستيال وو او د بلوڅو او پښتنو د وسله والي مبارزې جګړيزه مالومات او سياسي دريځ به يې په نړيواله کچه خپراوه.
جمعه خان صوفي ليکوال او پخوانی سياسي کارکن وو. د ۱۹۷۰ کلونو په لومړنيو کې د نېشنل عوامي پارټۍ غړی وو چې وروسته ورباندي د ذوالفقار علي بوټو حکومت بنديز ولګاوه او چې کله د دې ګوند مشر اجمل خټک افغانستان ته ولاړ نو جمعه خان صوفي هم ورپسې ورغلی او هلته يې د بلوڅو او پښتنو د وسله والي مبارزې د بهرنيو هېوادونو لپاره استازی شو.
دی د اجمل خټک مرستيال وو او د بلوڅو او پښتنو د وسله والي مبارزې جګړيزه مالومات او سياسي دريځ به يې په نړيواله کچه خپراوه.
خو کله چې په ۱۹۸۹م کې د پاکستان وزيراعظمې بې نظير بوټو سياسي فعالانو ته د عامي بخښني اعلان وکړ نو په کابل کې مېشت پښتانه او بلوڅ سياسي مشران او غړي بيرته پاکستان ته ولاړ.
له دوی سره جمعه خان صوفي هم ملګری وو او له تلو سره سم يې په عوامي نېشنل ګوند کې ګډون وکړ خو وروسته يې له پارټۍ سره اختلافات پيدا شواو له ګونده ګوښه شو.
هغه پروسږ کال په افغانستان کې د خپل تېر شوي ژوندانه ياداښتونو په يو کتاب”درمسال د خټې“ کې يوځای کړي چې د ”فريب ناتمام“ په نامه اردو ژبي ته اړول شوی دی.
عبدالحي کاکړ لهجمعه خان صوفي سره مرکه کړې ده.
