د امریکا د بهرنیو چارو وزیر جان کیري کابل ته رارسیدلی او له افغان چارواکو سره یې د ملاقاتونو لړۍ پیل کړې ده.
په پاکستان کې د افغانستان سفیر حضرت عمر زاخېلوال وايي، له طالبانو سره د افغان حکومت د سولې خبرو اترو په اړه د څلور اړخیزو غونډو د بیا پيل دقیقه نېټه او اجندا به وټاکل شي.
د خوست امنیتي چارواکي وايي، چې د محمدامین په نوم یو سپین ږیری، چې یوه اونۍ وړاندې د نامالومو کسانو لخوا د خوست له ښاره په یوه پلمه او دوکه د موسی خپلو ولسوالۍ اړوند د انځرکي سیمې ته تښتول شوی د پولیسو په عملیاتو کې د اختطافګرو له منګولو وژغورل شو.
د افغانستان د ښار او کور جوړونې وزیر سیدسعادت منصور نادري وايي، چې یاد وزارت به ډېر ژر د خوست ښار غیر پلاني سیمې پلاني سیمو کې شاملې کړي تر څو د یاد ښار اساسي پراختیا ته لاره هواره شي.
د ملی ثبات ټولنې په جلال اباد کې دفتر پرانیست او د قومي مشرانو، مدني فعالانو او د ولایتي شورا له يو شمېر استازو يې يوه شورا جوړه کړه چې په ننګرهار کې بهد غونډو په جوړولو سره خلکو ته د سولې او ثبات په اړه پوهاوی ورکوي.
د لوګر شورا غړي وايي، که ځمکې دولتي ملکیت وي، نو باید په اړه یې د درېګونیو محکمو حکم موجود وي، له هغې پرته د خلکو د کورونو ورانول او دوی ته تکلیف رسول د قانون او عدالت خلاف عمل بلل کیږي.
د افغانستان د بهرنیو چارو وزیر وایي، هغې الوتکې ته به په کابل کې د کېناستو اجازه ورنه کړي چې له اروپا څخه په کې په زوره یا ان داوطلب افغان کډوال راوستل شوي وي.
د ننګرهار سیمه ییز چاروکي وايي، د دې ولایت په ناامنو سيمو کې د افغان ګډو ځواکونو لخوا پسرلني عمليات پيل شوي.
د سېشنبې پر ورځ د خوست ښار د اوه کیلومتره سړکونو، کوڅو، جادو او څلورو لارو د اساسي ترمیم کارونه پیل شول.
په افغانستان کې د ناټو نوي امریکايي قومندان وايي، په ۲۰۱۵م کال کې سختو جګړو او د افغان ځواکونو درنو مرګژوبله د ناټو د روزنې ماموریت له خنډ او ځنډ سره مخامخ کړی.
د ننګرهار چارواکي وايي چې د انسان تښتوونکو له منګولو يې هغه تنکی زلمی خلاص کړی چې له نن (سېشنبه) پينځه ويشت ورځې وړاندې د جلال اباد ښار له درېمې ناحیې تښتول شوی و
په شاهي ماڼۍ کې له دمې وروسته د کريکټ ملي ټيم لوبغاړي د چارواکو په بدرګه پلي د جلال اباد ښار فوټبال لوبغالي ته ورغلل،چې په زرګونه تنه د کريکټ مینه وال ورټول شوي ول.
نور وښیئ
هېڅ میډیايي سرچینه اوس نشته