د خوست ښار په زړه د خواجه متون غونډۍ په اوږدو کۍ د نوروز یا نوي کال دورځې په رانږدې کېدو د میلو او ټنګ ټکور د محفلونو شمېر ډېر شوی دی.
د خوست ورزشکاران وايي، چې د نورو کالونو سره په توپیر کې، سږ به د نوي کال له پاره د بیلابیلو لوبو یو شمېر ټورنمینټونه په خوست کې جوړ شي.
د ننګرهار پوهنتون پنځوسمه کليزه د جلال اباد شاهي ماڼۍ کې د يو لړ مراسمو په ترڅ کې د پنجشنبې يل زیارت په ورځ ونمانځل شوه. دغې غوندې ته د افغانستان د لوړو زده کړو د سرپرست وزیر په ګډون د ولسي او مشرانو جرګو يو شمير استازي هم بلل شوي ول.
د هلمند په نننۍ موټربم چاودنه کې ۷ تنه وژل شوي او ۲۱ نور ټپیان شوي دي.د هلمند مرستیال محمد جان رسولیارپه سیمه کې مشال راډیو ته وویل، چې ټپيان او وژل شوي ټول عام وګړي یا د ملکي ادارو مامورین دي.
په جلال اباد کې يوې مدني ټولنې د لغمان او ننګرهار په سيلاب ځپلو کورنيو خوراکي توکي وويشل. د افغانستان د سولې او پرمختګ په نوم مدني ټولنې په هغو درې سوه کورنيو خوراکي وويشل چې په دې وروستو کې يې کورونه د سختو بارانونو او سيلابونو له وجې زیانمن شوي وو.
ملګرو ملتونو په افغانستان کې د اسلامي دولت ډلې د فعالیت په اړه اندېښنه وښوده د افغانستان لپاره د ملګرو ملتونو ځانګړي استازي په دې هیواد کې د داعش یا اسلامي دولت په نامه ډلې د فعالیت په اړه اندیښنه څرګنده کړه.
د پکتیکا ولایتي شورا د ملي یووالي له حکومت نه غوښتنه کوي، چې خپل اختلافونه دې یوې خواته کړي او په دې هېواد کې دې د یو شمېر نویو امنیتي تهدیدونو د مخنیوي له پاره تیاری ونیسي.
د جلال اباد ښار کې د تيرې يوې میاشتې راهيسې په لسګونه نرسري فارمونه پرانستل شوي او ډول ډول میوه لرونکي او زینتي بوټي په کې خرڅلاو ته ايښودل شوي چې خلک په ډير شوق ورځي، د خپلې خوښې بوټي اخلي او په خپلو ځمکو باغونه جوړوي.
د افغانستان د ولسي جرګې اداري پلاوی، په انتخاباتي ادارو او سیسټم کې د اصلاحاتو راوستل مهم بولي او وايي چې د حکومت مشران مکلفه دي څو په دې اړه خلکو ته ځوابګویه وي.
د هند وزیراعظم نریندر مودي په تیر نومبر میاشت کې د نیپال په پلازمینه کټمنډو کې د سیمه ییزې همکارۍ د سازمان د سرمشرې پر مهال افغان ولسمشر بلنه ورکړې وه چې هند ته ورشي.
په ننګرهار کې د روشن افغانسنان د فوټبال د غوره ليګ سيالۍ پيل شوې. په دې سيالیو کې به د افغانستان په کچه څلور لوبډلې په خپلو منځونو کې مسابقې تر سره کوي چې اته ورځې به دوام وکړي.
په خوست کې یو شمېر هغه ځوانان، چې ټولنیزه میډیا په ځانګړي ډول فیسبوک کاروي او په خپلو کې يې له دې لارې سره اشنايي وه، اوس يې ملګرتیا طبعي او حقیقي ګرځیدلې ده، په خپلو کې يې سره موندلي او تر هغه زیات، چې په دې وروستیو کې دوی په ګډه یو شمېر ټولنیزو فعالیتونو ته مخه کړې ده.
نور وښیئ
هېڅ میډیايي سرچینه اوس نشته