د غزني چارواکي وايي، په دغه ولايت کې په يوه جومات کې پر طالبانو خپل ماينونه ورچاودېدلي دي چې له امله يې شپږ تنه وسله وال وژل شوي. دوی وايي، په چاودنه کې جومات هم په بشپړه توګه ويجاړ شوی دی. زموږ همکار سيدشاه سقيم يې په اړه نور حال راکوي.
په خوست کې پولیسو د جمعې په ورځ د اسماعیل خېلو او مندوزیو ولسوالۍ په مربوطاتو کې د ځانمرګي بریدونو د واسکټونو په ګډون یو شمېر مهمات، د وسلوالو له خوا لیکل شوې شپې پاڼې او چاودیدونکي توکي نیولي دي.
افغان پولیس وایي، تیره شپه د کابل پر یوه رسټوانټ د حملې له امله ۲۱ کسان وژل شوي؛ چې په وژل شويو کې د افغانستان لپاره د پيسو نړيوال صندوق استازى او د ملګرو ملتونو څلور کارکوونکي هم شامل دي.
نن خوست ته د افغانستان د کریکټ د ملي لوبډلې لوبغاړي د یاد ولایت د خلکو، ځايي ادارې او ځوانانو په بلنه ورغلي دي، د دوی د هرکلي له پاره د خوست په ملي لوبغالي کې تر شلو زرو زیات کسان راغونډ شوي ول.
د افغانستان په پلازمېنه کابل کې يو ځان وژونکي بریدګر د يوه قومي مشر د وژلو هڅه کوله چې د امنيتي ځواکونو په ډزو ووژل شو.
د مدني ټولنې فعال نعمت الله خالد مشال راډیو سره په خبرو کې راتلونکې ټولټاکنې یو مهم پړاو ګڼي او له ملي او نړیوالو څارونکیو غواړي، چې د نوموړي بهیر نه په ښه توګه څار او نظارت وکړي
د خوست امنیتي چارواکي وايي، چې درې کسان يې د قتل او د خلکو د ځورونې په تور نیولي دي، همدارنګه په بیلابیلو عملیاتو کې يې یو شمېر وسلې، چاودیدونکي توکي او مهمات هم د پولیسو لاس ته لویدلي دي.
د افغان چارواکو په خبره، پاتې تنخاګانې به په یو څو ورځو کې پولیسانو ته ورکړل شي. دې چارواکو ویلي چې دا یوه وړه انتظامي مسله وه او د ډېر تشویش خبره پکې نشته.
په خوست کې یو شمېر سوداګرو او د مدني ټولنې فعالانو د پاکستان د مالیې وزارت، سوداګرو او دولتي بانک د هغې ګډې پریکړې هرکلۍ وکړ، چې افغانستان سره يې د غلام خان بندر له لارې د سوداګرۍ د زیاتیدو غوښتنه کړې ده.
د غور چارواکي وایې، په دې ولایت کې د سولې د بهیر له پيل څخه تر اوسه ۴۴۶ وسله وال مخالفین له دولت سره یو ځای شوي دي.
په داسې حال کې چې په رسنيو کې د امريکا او افغان حکومتونو تر مينځ د امنيتي تړون او د افغانستان د ۲۰۱۴ م کال نه وروسته حالت په څېر موضوعات تر بحث لاندې دي، افغان هنرمندان له موسيقۍ سره تړليو د خپلو کارونو د راتلونکي په اړه اندېښمن دي.
د میدان وردګو ولایت د چک ولسوالۍ په بمبايي،خیرخانه او مداد سیمه کې د امنیتي ځواکونو او وسله والو طالبانو ترمنځ نښتې کې د یو وسله وال طالب قوماندان په ګډون دوه تنه وژل شوي او د یو بل طالب قوماندان په ګډون شپږ نور ټپیان شوي دي.
نور وښیئ
هېڅ میډیايي سرچینه اوس نشته