د ښځو لپاره ځانګړې پاڼه

د ښځو پر وړاندې تاوتریخوالی د بشري حقونو پراخه سرغړونه ده. په هغو ډېریو سیمو کې، چې پکې د ازادې اروپا راډیو فعالیت کوي، تاوتریخوالی، ځورونه، او توپیرپالنه د ورځني ژوند برخه دي. په ټوله نړۍ کې هره درېیمه ښځه له تاوتریخوالي سره مخامخېږي، خو ډېرې ښځې په چوپتیا او وېره کې ژوند کوي او مرسته نه‌ شي غوښتای.

موږ غواړو دا وضعیت بدل کړو چې تاسې دلته د خوندیتوب احساس وکړئ. تاسې یواځې نه یاست. دلته د مشال راډیو له لارې به تاسې له پېښو خوندي پاتې شویو ښځو، د کورنیو کیسې، او داسې سرچینې ومومئ چې تاسې ته یوه نوې لاره برابره کړي. له موږ سره اړیکه ونیسئ—موږ ستاسې خبره اورو.