احمد شاه اعظمي له ۲۰۱۰ز کال راهيسې له مشال راډیو سره کار کوي. نوموړی پر فېسبوک او ټوېټر څارلای او تعقیبولای شئ.
په افغانستان او پاکستان کې به مو ډله ييز ودونه ليدلي يا په اړه اورېدلي وي، خو دا دود په دا وروستيو کې د هند د ګجرات ايالت په احمد اباد کې هم تر سره شوی دی.
د پښتو ژبې نوموتی شاعر او ليکوال پروفېسر عبيد الله دروېش درانی وايي چې په خپل نوي کتاب "وير لړلي داستان" کې يې د انساني ژوند د بېلا بېلو پړاوونه غميزې په ۱۰۰ نظمونو، چې ۱۰ زره مصرعې کېږي، ځای کړي دي.
د پاکستان ماليې وزارت پر اېکس پاڼه ليکلي دي چې د ای اېم اېف اجراييوي بورډ د جنورۍ پر ۱۱مه د پاکستان د اقتصادي اصلاحاتو د پروګرام لومړۍ بیاکتنه بشپړه کړه او هغه هېواد ته يې په سمدستي توګه د پور د دویم قسط ورکولو اجازه ورکړه.
د وزارت وياندې ممتاز زهرا بلوڅې د جنورۍ پر ۱۱مه په اسلام اباد کې د اوونيزې خبري غونډې پر مهال د یو خبریال د پوښتنې په ځواب کې وویل چې مولانا فضل الرحمان په "شخصي توګه" افغانستان ته تللی دی او د پاکستان حکومت یې د سفر ملاتړ نه کوي.
د پي ټي اېم يو مخکښ ادريس پشتين نن (د جنورۍ پر پينځمه) مشال راډيو ته وويل چې منظور پشتين په جهلم کې زنداني شوی دی، خو د نوموړي په وينا پوليسو لا تر اوسه د پشتين پرضد مقدمه نه ده په ډاګه کړې.
د پي ټي اېم يو مخکښ ادريس پشتين نن (د جنورۍ پر پينځمه) مشال راډيو ته وويل چې هغوی تېره شپه شاوخوا ۱۱ بجې په زيات شمېر کې له اډيالې زندانه د منظور پشتين د خوشې کېدو او د هغه د هرکلي لپاره ورغلي ول، خو د نوموړي په وينا د پنجاب پوليسو پشتين له زندانه د ناڅرګند مقام پر لورې په خپلو ګاډو کې بوتلی.
په فرانسه کې دوو انجينرانو په فضا کې د کاربن ډای اکسایډ او پر سړکونو د ګڼې ګوڼې کمولو لپاره سامان وړونکو بايسکلونو جوړولو ته مخه کړې ده. د بايسکل جوړونې شرکت مشران وايي چې د تېرو دوو کلونو پر مهال یې لسګونه زره کارګو بايسکلونه پلورلي دي، چې د خلکو د خوښۍ وړ ګرځېدلي دي. ویډیويي رپورټ.
وزارت د ډېسېمبر پر ۲۹مه په یوه خبرپاڼه کې ویلي چې د خيبر پښتونخوا له پېښور، د بلوچستان له چمن او د سيند له کراچۍ کیماړۍ او حیدراباد ضلعو څخه اخيستل شویو د ناولو يا ناپاکه اوبو په نمونو کې د پولیو وایرس موندل شوی دی.
د هر کال په شان سږ کال هم د تيونس په دوز ښار کې "نړیوال صحارا جشن" ولمانخل شو چې لسګونه زره کسان یې ليدو ته ورغلي ول. په دې تاريخی او دوديز جشن کې د دودونو ځانګړو مراسمو، موسيقۍ، نڅا او د اوښانو او اسونو د ځغاستې ترڅنګ نور ډېر څه هم وړاندې شول. د فرانس پرېس اژانس له ويډيو جوړ رپورټ.
پي ټي ای ويلي چې قریشي د دولتي رازونو د افشا کولو په مقدمه کې په ضمانت له خوشې کیدو وروسته نن (د ډېسېمبر پر ۲۷مه) د راولپېنډۍ د اډیاله زندان بهر ونیول شو.
د ناټو ايتلاف يوشمېر غړيو هېوادونو په داسې حال کې د اوکراينيو سرتېرو جنګي روزنه پيل کړې چې موسم سوړ شوی خو د روسيې او اوکراين جګړه لا هم توده ده. د اوکراین پوځ له روسیې سره د روانې جګړې په ترڅ کې د يو بل سخت ژمي لپاره تیاری نیسي. د اسوشيېټېډ پرېس اژانس له ويډيو جوړ رپورټ
د اسلام اباد پولیسو د خبریالانو مرکز مخې ته د لاریونوالو احتجاجي کیمپ ړنګ کړ او له هغه ځایه یې هم څو تنه ونیول. پوليسو ويلي چې مظاهرچیانو پر ۲۶م نمبر چونګۍ او داراز په ايوب څلور لاره کې "پولیس په کاڼو وویشتل" نو ځکه یې لسګونه کسان ونیول.
په غزه کې د اسراييلو او حماس ترمينځ د جګړې له امله بېکوره شوي يوشمېر ماشومان د فلسطين د رفح سيمې په يوه کيمپ کې ژوند کوي. هلته يوې ۲۳ کلنې فلسطينۍ مېرمنې د دغو ماشومانو د رواني روغتيا لپاره د موسيقۍ حلقه جوړه کړې او ماشومانو ته عود ساز غږوي.
د راپور له مخې، دا مهال په ټوله نړۍ کې ۵۲۱ خبریالان د خپل کار له وجې په بېلا بېلو هېوادونو کې بنديان دي. د بې پولو خبريالانو سازمان په رپورټ کې د پاکستان څرګنده یادونه نه ده شوې، خو هلته وخت په وخت خبريالان د بيان پر ازادۍ د محدوديتونو، ځورونو او خطرونو ذکر کوي.
خبرپاڼه وايي، په درابڼ کې د هغه بريد ذمه واري وسلوالې ډلې "تحريک جهاد پاکستان" منلې چې پکې "۲۳ امنيتي سرتېري ووژل" شول او لسګونه نور ژوبل شول. په خبرپاڼه کې دعوه شوې ده چې هغه وسلواله ډله له تحريک طالبان پاکستان (ټي ټي پي) سره تړاو لري.
د جمعيت علمای اسلام (ف) مشر مولانا فضل الرحمان د ډېسېمبر پر پينځمه په اسلام اباد کې له خبريالانو سره د خبرو پر وخت وويل چې خیبر پښتونخوا او بلوچستان له "ناامنۍ" سره مخامخ دي. نوموړي په داسې حالاتو کې د راتلونکو عامو انتخاباتو پر امکان شک څرګند کړ.
نور وښیئ
