د پاکستان د پوځ عامه اړیکو څانګې په یو بیان کې ویلي دي چې د خبرو په وخت د امریکا سفیر د پوځ مشر ته د جنوبي اسیا په اړه د ولسمشر ټرمپ د نوې پالیسۍ په اړه مالومات ورکړل.
د ای ایس پي ار په بیان کې راغلي دي چې د پوځ مشر د امریکا سفیر ته ویلي دي چې پاکستان له امریکا مادي او مالي مرستو ته اړتیا نه لري خو باید باور پرې وکړل شي او د ترهګرۍ پرضد جنګ کې دې د پاکستان قربانۍ ومنل شي.
د امریکا سفیر په دې موقعه وویل چې د ترهګرۍ پر ضد جګړه کې د پاکستان د کردار قدر کوي او د افغانستان د ستونزې د هواري لپاره د پاکستان مرسته غواړي.
